अलिबाग मध्ये आपले स्वागत

भौगोलिक व ऐतिहासिक दृष्ट्या महत्वाचे व अनेक ऐतिहासिक घटनांची साक्षीदार असणारे ठिकाण. हजारो वर्षांच्या इतिहासात अनेक राजवटींनी राज्य केलेले, त्याचा ऐतिहासिक सांस्कृतिक वारसा जतन करून आधुनिकतेशी सांगड घालणारे अलिबाग. नारळी पोफळीच्या हिरव्यागार झाडीने भरलेले व अस्सल कोकणी परंपरा जपलेले. अनेक ऐतिहासिक किल्ले, पुरातन मंदिरे, सुंदर समुद्रकिनारे, व जोडीला अस्सल कोकणी, चवदार खाद्यपदार्थ यामुळे अगदी दूरपर्यंत पर्यटनासाठी प्रसिद्ध असलेले निसर्ग रम्य, अलिबाग.

या आपल्या अलिबागमधील सर्व प्रेक्षणीय स्थळे, ऐतिहासिक दृष्ट्या महत्वाचे किल्ले व इतर वास्तू, पुरातन मंदिरे, व अनेक निसर्गरम्य परिसर, येथील संस्कृती, परंपरा, उत्सव, निसर्ग विविधता, या आणि अशा अनेक गोष्टीच्या अभ्यास करून, प्रत्यक्ष भेट देऊन, अनेक संदर्भ , माहिती आणि चित्रांचा प्रचंड साठा संकलन करून सज्ज झालेले हे अलिबागचे वैशिष्ट्यपुर्ण पोर्टल “AlibagOnline® “. आमचा प्रत्येक लेख आपल्याला माहिती, संदर्भ आणि इमेजेस देण्यासाठी काळजीपूर्वक तयार केला आहे. अलिबागचे रहिवासी तसेच अलिबागला भेट देणारे सर्व पर्यटक व अलिबागप्रेमी यांना अलिबागची खरी ओळख करून देण्यासाठी हे पोर्टल नक्कीच मदत करेल.