चला अलिबागच्या पावसाळी सफरीवर!

अलिबाग म्हटले कि समुद्रकिनारे आणि गडकिल्ले. त्यासोबतच येथील पाऊस हि तेवढाच प्रसिद्ध. मुसळधार पाऊस आपण ज्याला म्हणतो तो पाऊस पूर्ण कोकण किनारपट्टीवर पाहायला मिळतो. अलिबागहि त्याला अपवाद नाही. आता आपल्याला प्रश्न पडतो कि पावसात अलिबागमध्ये काय पाहायचे ? तर याचे उत्तर द्यायचा हा अलिबागऑनलाईन ® चा छोटासा प्रयत्न.

पाऊस सुरु झाला कि अलिबाग आणि परिसर पूर्ण हिरवागार होऊन जातो. विविधरंगी फुले, भाज्या, फळे, शेतीच्या कामांची लगबग, आणि श्रावणातील सण यांनी अलिबाग शहर अगदी बहरून जाते. महिनाभर चांगला पाऊस झाला कि परिसरातील खळखळणारे फेसाळ धबधबे सर्वांचेच लक्ष वेधून घेतात आणि अलिबागकरांना वेद लागतात ते ह्या धबधब्यांना भेट देण्याचे.